Dewleta tirke ya îşxalkere bi des serran o vera goranê kurdan şerêkê sîstematîkî kena. Wextê îqtîdarê AKP-MHPyî de nê hêrişî resayî astêka giranêre.

Artêşa tirke narey zî herêma Besta ya Şirnexî de dewa Xirbê Bestê ya ke serranê 90an de amebî xalîkerdene tede Goristanê Şehîd Rojhat Belûzerîyî kerd hedef.

Leşkeranê tirkan herême de operasyon kerd û bi hawayêkê barbarî kerrayê 60 goran parçe kerdî.

Dîmenan de aseno ke kerrayê goran ameyê parçekerdene û vilakerdene.

Şarî rê dekewtişê herême ame qedexekerdene. Qoricîyî zî herême de qirkerdişê daran rê dewam kenê.