Vera hêrişê îşxalî yê dewleta tirke yo ke bi paştdayîşê PDKyî yeno rayraberdene, gerîlayî têkoşînê bêhempayî danê. Dîya zanayene ke cenazayê 80 leşkeran ardîyayî Gever û tîya ra zî şawîyayî Anqara.
Dewleta tirke 17ê nîsane de pîya bi PDKyî vera hêremanê Zap, Avaşîn û Metîna yê ke Başûrê Kurdîstanî de yê hêrişê îşxalî da destpêkerdene. Hêrişê îşxalî pê pêkewtişanê giranan dewam kenê.
Dîya zanayeneke pêkewtişan de xeylêk leşkerî ameyî kiştene. Goreyê xeberanê ke çimeyanê cayîyan ra ameyî girewtene çar roje verî 80 cenazayî ardîyayî Nêweşxaneyê Dewlete yê Geverî û tîya ra bi rayîrê hewayî şawiyayî Anqara.
Reyna dîya zanayene ke leşkerê ke pêkewtişan de birîndar benê nêweşxaneyê sahra ke herama Oramarî de nîyayo ro tîya yenê dermenakerdene. Seba ke nê newêşxenayî de zaf birîndarî est ê, tay birîndarî û cenazayê leşkeran şawiyenê Nêweşxaneyê Dewlete yê Çelê û Colemêrgî.
