Merkezê Îrtîbatî û Çapemenîye yê HPGyî bi eşkerayîyêke bîlançoya hewteyêkî ya şerî eşkera kerde.

Eşkerayîye wina ya:

''Dewleta tirke ya îşxalkera ke gerîlayî verê xeyalanê xo yê kolonyalîstan de set astengîye vînena, çinkerdişê gerîlayan xo rê kerd armanc. Na çarçewe de dewlete 2015 ra nata pêro îmkanê xo yê madîyî seba çinkerdişê gerîlayan şuxilnayî û vera gerîlayan zaf hêrişî kerdî. Dewleta tirke hedef kena ke pê hemkarîya hêzanê herêmîyan PKK tasfîye bikera, îradeyê şarê kurdî esîr bikera û qirkerdişê kurdan temam bikera. La a pêro hêrişanê xo de raştê îradeyê gerîlayan ameye.

Dewleta tirke cografyaya Kurdîstanî sere de pê teyarayanê şerî, pê teknolojîyêka avere her roje daye bombayan ver la rixmê ney zî netîceyêke nêviste destî. Dima reyna 17ê Nîsane de bi armancê îşxalî vera Avaşîn û Zapî hêrişê îşxalî yê hîrayî dayî destpêkerdene. Nê hêrişê îşxalî normal nîyê, konseptê şerê topyekunî yê.

Hêrişê îşxalî 14ê nîsane de bi bombardumananê giranan dest pêkerdî. Artêşa tirke ya îşxalkere 17ê nîsane de kerd ke helîkopteran ra leşkeranê xo bîyara war. Hêzanê ma cade, bêteredut cewab da hêrişan, mudaxeleyê helîkopteran kerd û xeylêk waran de firsend nêda dişmenî. Rojanê bînan de zî dişmenî nê hêrişan rê dewam kerd. Netîceya mudaxeleyê hêzanê ma de 11 helîkopterî ameyî derbkerdene.  Artêşa tirke dima xîret kerd ke erdî ra leşkeranê xo bîyara. La xoverdayîşê gerîlayan hesabê îşxalkeran xeripna. Artêşa îşxalkere roja 4. ya hêrişan ra dima Waranê Xoverdayîşî yê Kurojahro, Werxelê, Şehîd Şahîn, Kunîşka û Girê Ortê de vera mewzîyanê şerî gazê jehrînî şuxilnayî.

Dewleta tirke nê hêrişê îşxalî yê vera Başûrê Kurdîstanî de PDKyî ra zî destek girewt û hêrişê vera Zapî serê xeta Bamernê-Amedîyê-Dêrelokî ya bi kontrolê PDKyî ra kerd. PDKyî bi zelalî gerîlayan rê îxanet kerd. Hêzanê PDKyî xîret kerd ke peyê Kuro Jahroyî de mewzî bigêrê û waranê gerîlayan bigêrê binê ablûqa. Prosesê hewteyêkê şerî ra nata PDK hema zî nê tewirê xo ra fek vera nêda û dewam keno.

Hêzanê ma pêro warî kerdî warê xoverdayîşî û bedelê giranî verdayî îşxalkeran. Gerîlayan bi taybetî tîmê hereketînî şuxilnayî, sabotajî ra heta suîkastî, mîyandekewtişî ra heta sabotajî, dafike ra heta çalakîyanê giranan performansêko giran mojna. Hêzanê ma nê yew hewteyî de roje û şewe tim xo ver da. Seba ke YJA-Starî serkêşîya nê xoverdayîşî kerde, cinîyan ê kurdan reyna asta xo ya milîtanîye û fermandarîye eşkera kerde. Na asta gerîlayanê azadîye seba tarîxê pêro şarê ma û ameyoxê ma girîng a.

Embazanê ma yê fedakaran û çêran nê xoverdayîşê tarîxî rê serkêşîye kerde, derbê giranî dayî dişmenî ro û şehîd bîyî. Cesaret, tewiro bêteredut û marîfetê şerî yê şehîdanê ma, asta şeranê bînan zî eşkera kenê. Nê prosesê şerî de ma 11 embazanê xo yê şehîdanê ke Zap û Avaşîn de şehîd bîyî bi minet û rêzdarî yad kenê. Ma soz danê ke vîrameyîşê înan bikerê sebebê serkewtişî.

Têkoşînê tarîxî yê gerîlayan ê vera hêrişanê îşxalî reyna planê dewleta tirke pûç kerdî û bêmexlûbîya gerîlayan reyna pêro dinya rê îsbat kerde.

Bîlançoya şerî ya mabênê 17ê Nîsane û 24ê Nîsane wina ya:

-3 çalakîyê mîyandekewtişî

-3 çalakîyê sereştişî

- 7 çalakîyî bikoordîne û hemdemî

-23 çalakîyî sûîkastî

-29 çalakîyî bi çekanê giranan

-29 çalakîyî sabotajî

- 58 çalakîyî şer û derbdayîşî

-Bi temamî gerîlayan 152 çalakîyî kerdî.

Hêrişê ke dewleta tirke ya îşxalker kerdê:

-Goreyê tesbîtanê ma Herêmê Pawitişî yê Medya 387 reyî dîyayî bombayan ver.

-Bi helîkopteranê hêriş û obusan 243 reyî bombardumanî ameyî kerdene.

-7 reyî bi gazê kîmyewîyî çeperê şerî yê hêzanê ma dîyayî bombayan ver.

Netîceya çalakîya hêzanê ma de;

-218 îşxalkerî ameyî cezakerdene

-48 îşxalkerî birîndar bîyî

Malzeme û hacetê ke hêzanê ma îmha kerdê:

-4 Droneyî

-Sîstemêkê mobesa

-Çekêka BKCyî

-Çeperêk ame îmhakerdene.

Wesayîtê leşkerî yê ke hêzanê ma derbî dayê piro:

-Droneyêke

-11 helîkopterî.”