Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişanê îşxalî de eşkerayîyêke daye. Eşkerayîye wina ya:

''Hêrişê îşxalî yê dewleta tirke hetê gerîlayanê azadîye ra bi ruhê Apogîrî ameyî pêşwazîkerdene û her ca de derbê giranî dîyayî îşxalkeran ro. Tîmê ma yê gerîlayan derbanê giranan danê dişmenî ro, taktîkanê dewrê neweyî bi hawayêkê afernayoxî pratîze kenê û cewabê hewceyî danê hêrişan.

Detayê çalakîyanê embazanê ma wina yê:

-Çarçewa Hemleya Şorişgêre ya Bazanê Zagrosî de, herêma Zapî de;

22ê nîsane de saete 14.30 de artêşa tirke ya îşxalkere, Girê Şehîd Cûdîyî yê Warê Xoverdayîşî yê Girê Karkerî 6 kezî dayî bombayan ver û waşt tede aver şora. La netîceya mudaxeleyê bitesîrî yê hêzanê ma de pêkewtişê giranî qewimîyayî û îşxalkerî neçare mendî ke gamêke xo apey bigêrê. Heman roje şan îşxalkerê ke waştêne ver bi mewzîyanê şerî şorê hetê hêzanê ma ra, pê taktîkê sabotajî, pê çekanê ferdîyan û bombayanê destî ameyî pirodayene. Netîceye mudaxeleyê hêzanê ma de 3 îşxalkerî ameyî cezakerdene û 1 îşxalker zî ame birîndarkerdene.

22ê nîsane de warê Karker û Şikefta Birindaran û Girê Orta pê helîkopteran dîyayî bombayan ver. War de pêkewtişê giranî dewam kenê. 

22ê nîsane de artêşa tirke ya îşxalkere waşt ke Koyê Reşî, Girê Rûbarî û Girê Kovîyî de leşkeranê xo bîyara war. Netîceya mudaxeleyê hêzanê ma de pêkewtişî qewimîyayî û nê pêkewtişî hema zî dewam kenê.

22ê nîsane de dormeyê Warê Xoverdayîşî yê Werxelê de îşxalkerî pê çekanê giranan ameyî pirodayene. Netîceya nê pirodayîşan de hûmara kişte û birîndaran nêameye zelalkerdene.

22ê nîsane de warê Çemço û Şehîd Adilî dîyayî bombayan ver.