Heyetê Rayberdişê Merkezî yê DEM Partî bi eşkerayîyêke şehîdê menga gulane yad kerdî.

DEM Partî vist vîrî ke gulane de çepê Tirkîya û Kurdîstanî ra şorişgêrê sey Denîz Gezmîş, Huseyîn Înan, Yusuf Aslan, Îbrahîm Kaypakkaya, Hakî Karer û Çaran (Ferhat Kurtay, Mahmut Zengîn, Eşref Anyik û Necmî Oner) şehîd bîyê û înan vera faşîzmî têkoşîn kerdo.

DEM Partî vat: ‘’Verê pêro şehîdan de la bi taybetî verê şehîdanê gulane de mesuldarîya ma ya pîle est a. Nê şehîdê têkoşînê şaran bîyî qerardarîya rûmetî û meşaleya ameyoxê hemparî û azadî yê şaran. Ma şexsê nê şehîdan de pêro şehîdanê gulane bi rêz û minetî yad kenê û sereyê xo verê vîrameyîşê înan de anê war. 

Mîrasê înan do tim mîyanê têkoşînê ma de biciwîyo. Ma do bi pîlkerdişê mîrasê têkoşînî û hêvîya serkewtişî qetî demokrasî, azadîye û têdûştîye bîyarê nê erdî ser. Ma soz danê ke Haştîye û Komelê Demokratîkî awan bikerê.’’