Zap de tîmê bitêgêrî yê gerîlayan ê ke17ê nîsanê ra nata bêmabên vera hêrişê îşxalî têkoşîn kenê, gama ke  şinê çalakîye dîmenê înan ameyî antene. Gerîlayê bi hewayêkê qerardar vanê ê do dimenî bin bifînê.

Gerîlayî şinê ke vera bi hezaran leşkerê ke bi helîkopter, teyarayanê şerî û wesayîtanê hewayî yê bêmerdiman semedê îşxalî ameyî de çalakîye bikerê. 

Destêkê ci de kalaşnîkof, desto bînî de vera wesayîtanê bêmerdiman ê hewayî kamûflaj est o. Paştîya ci de baro giran.

Gama ke vejîyenê serê zinaran rîyê înan wuyeno. Sereyê ci de rengê leşkerî de bandaj est o. Tewreyê paştîya ci zî kamûflaj o. Serkewtiş wazenê.

Gerîlayan ra Baz vano ê  nika şinê çalakîye û pê bawer o  ke ê do çalakîya serkewtîye bikerê.

Gerîla Şaho vano ê do çalakîya ra netîceya rinde bigêrê. Ê do nê dişmenî bin bifînê. Wird gerîlayî mîyanê daran de vînî benê ke heme pelê wisarî anêkerdî.

Dima ra di gerîlayê cinîyî esenê. Barê înan zî eynî yo. Beno ke tewreyê înan de malzemeyê weşîye bibo. Cunke înan ra yewe sey wezîfedara weşîye tewrê çalakîye bena.

Gerîlaya bi nameyê Sara zî sey gerîlayanê bînan germin wuyena, serkewiş wazena û vana ma do bi xeberanê ridan agêrê.