Weçînayîşê herêmîyî siba ney bîr ê. Şaredarîya Qersî dima ke HDP weçînayîşan de ser kewtbi hetê qeyûman ra amebi xespkerdene. 

Namzeda Şaredarîya Qersî ya DEM Partî Arzuye Savaş ANFyî rê qisey kerd û dîyar kerd ke nê weçînayîşî seba şaran zaf girîng ê.

Arzuye Savaş vist vîrî ke weçînayîşan rê teyna çend rojî mendê û vat: ''Nê weçînayîşî seba ma asta tarîxîye de girîng ê. Wextê ci ameyo ke ma şaredarîyanê xo bivisnê destî û qeyûman bişawê. Seba ney zî ganî ma wayîrê rayanê xo vejîyê. Eke rayê şima îkametgehê şima de nîyê muracatê rêxistinanê ma bikerê û embazanê ma rê ardim biwazê. Bêrê ma wayîrê rayanê xo vejîyê. Ma xo û şaristanê xo pîya îdare bikerê.''