Huqûqnas Onur Duşunmezî tecrîdê Îmraliyî, nêzdîbîyayîşê hêzan ê mîyanneteweyîyan ê vera tecrîdî û çalakîya grevê vêşanîye ANFyî rê ercnayî.

Duşunmezî îfade kerd ke bi serran o Îmrali de tecrîdêko bêhuqûqî esto û hêzê mîyanneteweyî caardişê tecrîdî peygoş kenê. Duşunmezî vat: ''Meseleya bingeyî ya nê welayî no yo ke rayberê şarêkî 22 serrî yo binê tecrîdî de yo. Tecrîd metodêkê îşkenceyî yo û nêno qebulkerdene. Astengîya pêvînayîşan û caardişê Îmraliyî mojnenê e dewlete peymananê mîyanneteweyîyan û qanûnê bingeyî binpay kena. Tirkîya vera peymananê têkoşînê serê îşxenceyî têgêrena û tecrîd de israr kena.''

Avûkat Duşunmezî çalakîya  grevê vêşanîye viste vîrî û vat: ''Raporê CPTyî nênê caardene. Tepişteyê grevê vêşanîye dewlete ra wazenê ke wa qanûnanê xo bîyara ca û tecrîdê Îmraliyî biqedîna. La mekanîzmaya dewlete û îdareyê ci ney nêvînenê. Rûmetê merdimîye do îşkence biqedîno. Ganî cade waştişê tepişteyan bêrê qebulkerdene.''