Avûkatanê Rayberê Şarê Kurdî Abdullah Ocalanî Mazlûm Dînç, Raziye Ozturk, Îbrahîm Bîlmez û Nevroz Ûysal vizêr tay îdîayan ra dima seba pêvînayîşê muwekîlê xo muracatê Serdozgerîya Komare ya Bursa kerdbi la hema zî cewab nêdîya înan. Avûkatan ewro reyna muracatê serdozgerîye kerd û waşt cade muwekîlê xo bivînê. Avûkatan vat: ''Muracatê ma bi bêhuqûqî ameyî redkerdene yan zî bêcewab vera dîyayî.''

Avûkatan vat: ''Şert û mertê girawe, tecrîdo barbar û şert û mertê tepişîyayîşî yê muwekîlê ma binpaykerdişê qedexeyê îşkenceyî yê. Rixmo ke CPTyî no îşkence tesbît kerd û pêşnîyazê raştkerdişî da gamêke nêerzîyaye.

Tewr peyên 14ê adara 2021î de tay keyepelê xeberan û hesabanê medyaya komelkî derheqê weşîya muwekîlê ma de tay îdîayê cidîyî kerdî. Nê îdîayan keyeyê muwekîlê ma qerqilna. Coka ma wazenê cade muwekîlê xo bivînê. Coka ganî cade muracatê ma bêro qebulkerdene.''

Avûkatan seba pêvînayîşê tepişteyan ê bînan ê Îmraliyî Omer Hayrî Konar, Veysî Aktaş û Hamîlî Yildirim zî muracat kerd.