Avûkat Cengiz Yurekli bajarê Strasbourgî yê Fransa de derheqê rewşa Rayberê Şarê Kurdî Abdullah Ocalanî de yo ke 40 mengî yo tira xebere nînan girewtene, Îdarekaranê Komîteya Vergirewtişê Îşkenceyî (CPT) reyde pêvînayş kerd.

Yurekliyî ke badê pêvînayîşî eşkerayîye daye vat înan CPTyî ra waşt ke wa Îmraliyî zîyaret bikero û rewşa Abdullah Ocalan û tepişteyanê bînan bi hewayêkê zelalî şarî eşkera bikero.

Avûkatan Yurekliyî derheqê pêvînayîşî de nê vatî: ''Ma CPTyî reyde pêvînayîş kerd. Xora ma verî zî heme raporê xo teqdîmê ci kerdbî. Ma qewimîyayîşê peyênî newera yew bi yew vatî. La narey şans kewt destê ma ke ma bi fekî vajo. Ma înan rê vat rewşe senî giran a û ma înan ra çi pawenê. Ma fîkrê înan zî girewtî.

Ma vat ma senî qesawet kenê û waşt wa zanayîşê xo ma dir pare bikerê. Ma waşt wa heyetêk cade şiro Îmrlaiyî û rewşa ûcayî eşkera şarî dir pare bikero. Ma vat 4 mengî yo xebere çîna û çîyo winayên nîno qebulkerdene. Înan zî heq de qesawetkerdişê ma û vat ê do vera nê mîyanê xîretkerdişî de bê.''