Avûkatanê Buroyê Huqûqî ê Asrinî ra Îbrahîm Bîlmez, Suzane Akîpa, Emran Emekçî û Cengîz Yureklîyî semedê pêvînayîşê muwekîlanê xo Rayberê Şarê Kurdî Abdullah Ocalan û Omer Hayrî Konar, Hamîlî Yildirim û Veysî Aktaşî yê ke binê tecrîdê giranî de yê, muracatê Serdozgerîya Komare ya Bursa û Mudirîya Zîndanê Îmraliyî kerd.

Pêvînayîşî hetê Dadgerîya Înfazî ya Bursa ra bi sebebê cezayanê dîsîplînî yenê astengkerdene. Tewr peynî de 3ê gulana 2024î de hetê Dadgerîya Înfazî ya Bursa ra cezaya 6 mengan ya qedexeyê pêvînayîşê avûkat ame dayene.