Avûkatanê Rayberê Şarê Kurdî Abdullah Ocalanî Razîye Ozturk, Rezan Sarica, Faîk Ozgur Erol û Cengîz Yureklîyî seba ke muwekîlê xo reyde pêvînayîş bikerê, reyna muracatê Serdozgerîya Komare ya Bursa kerd.

Serdozgerîya Înfazî ya Bursa 23ê êlule de Ocalan û 3 tepişteyanê bînan rê qedexeyê pêvînayîşî yê 6 mengan da. 'Xerîteya Rayîrî' ya Ocalanî ya ke 2009 de erşawitbi Mehkemeya Heqanê Merdiman a Ewropa (MHME) sey bahaneya qedexeyî ameye pêşkêşkerdene.Rixmo ke qedexeyê pêvînayîşî 23ê adare de qedîya hema zî cewab nêdîyeno muracatê avûkatan.

Tewr peynî de Rezan Sarica û Newroz Uysal 8 serran ra dima 2-22ê gulane, 12-18ê hezîrane û 7ê tebaxa 2019î de muwekîlê xo Şarê Kurdî Abdullah Ocalanî reyde pêvînayîş kerdbi.