Avûkatanê Baroyê Huqûqî yê Asrinî qedexeyê pêvînayîşê avûkatan û keyeyî yê vera Rayberê Şarê Kurdî Abdullah Ocalanî berd destê Mehkemeya Qanûnê Bingeyîyî.

Muracat de "incommunicado'' ame nîşankerdene ke yeno manaya bi temamî birnayîşê têkilîye. Avûkatan îfade kerd ke Abdullah Ocalanî ra xeberêke nêna girewtene û no îşkence yo. Mehkemeya Qanûnê Bingeyîy waşt ke binpaykerdişê heqê hûrmetê seba cuya tepişteyî û cuya taybete, binpaykerdişê heqê muhakemebîyayîşê edîlî û pawitişî, binpaykerdişê heqê rayîrê muracatî yê bitesîrî tesbît bikera.