Avûkatanê Buroyê Huqûqî yê Asrinî derheqê rewşa Rayberê Şarê Abdullah Ocalanî  û tepişteyanê bînan ê Îmralîyî de eşkerayîyêke daye û bale ante nê nuqtayan ser:

''Seke yeno zanayene seba ke heqê muwekîlanê ma brêz Ocalan, brêz Yildirim, brêz Konar û brêz Aktaşî yenê binpaykerdene û wextê pandemî de tebîrê weşîye nêameyî girewtene ma 19.06. 2020 de muractê Mehkemeya Bingeyêne kerdbi. No muracatê ma 22.07.2020 de ame redkerdene. Seba ke no muracatê ma ame redkerdene ma zî cade muracatê Mehkemeya Heqanê Merdiman a Ewropa kerd.

Derheqê yewna muracatê ma yê  semedê brêz Ocalanî de yo ke 2014 de MHMÊ rê kerdbi de amebi vatene ke kerdişê Îmralîyî madeyê 3. yê qedexeyê îşkenceyî yê Pêkerdişê Heqanê Merdiman ê Ewropa binpay keno. No zî eşkera ramojneno ke 21 serrî yo sîtemê tecîrîdî yo ke Îmrali de yeno caardene, îşkence yo. Pîya bi înan destur nêdayîşê pêvînayîşê keyeyan û avukat û demê pandemî no tecrîd dahîna ameyo xorî kerdene.

Bahaneyê sey xeripîyayîşê keştî û muxalefetê hewayî serranê peyênan de herinda xo cezayanê dîsîplînî rê verda. Nê cazayî bi keyfî yenê dayene û goreyê huqûqî nîyê. Demê pandemî de Rêsixita  Weşîye ya Dinya, CPT û Wezîrîya Edaletî zî derheqê şertanê zîndanan de eşkerayî dayî û bale ante muhîmîya tedbîran ser, la nê tedbîrî Îmrali de nêameyî caardene. Têna bi zextê şarî 27ê nîsana 2020î seba 20 deqayan pêvînayîşê telefonî ame kerdene. Brêz Ocalanî o pêvînayîş de vatbi rewşa ma nika hol a la ma nêzanê ke dima ra do senî bo ke  rîsk nîşan dabi.

7ê tebaxa 2019î ran ata avûkatan Ocalanî de pêvînayîş nêkerd. Muvekîlê ma yê bînî ke Îmrali de yê 5 serrî yo avûkatanê xo dir pêvînayîş nêkerd. Na têna babeta Îmralîyî nê, babeta heme Tirkîya ya. Xora ma vînenê ke bêhuqûqîya ke Îmrali de bena cayanê bînan de zî xo ramojnena. Heta ke Îmrali de verê neheqîye nêro girewtene ê cayanê bînan de zî do dewam bikero.

Gerek MHME destûrê sîtemê îşkenceyî medo. Eke vera naye çîyêk mekero pêkerdişê ronayîşê xo felsefeya xo binpay kena. Coka înan ra pawitişê ma oyo ke berpirsîyarîya xo bîyarê ca û qedexeyê resnayîşî ke wextê pandemî de ameyî xorîkerdene wa bido wedartene û qerarê tedbîrî bido girewtene.''