Vizêr Serdozgerîya Komare ya Bursa pê eşkerayîyêke cewab da îdîayanê ke medyaya komelkî de Rayberê Şarê Kurdî Abdullah ocalanî ser o ameyî parekerdene.

Avûkatanê Rayberê Şarê Kurdî Abdullah Ocalanî Îbahîm Bîlmezî derheqê eşkerayîya serdozgerîye de Ajansê Mezopotamya rê qisey kerd û vat:

''Çira ma seba ke rewşa weşîye ya muwekîla xo bizanê pabeyê serdozgerîye vindenê yan zî pê eşkerayîya ci bawer benê? Dewleta huqûqî de çîyo winasên çin o. Ma vizêr va sey ewro zî heman çi vanê. Ganî cade tecrîdê vera muwekîlê ma wedarîyo û tepişteyê Îmraliyî heqanê xo yê esasan wa bixebitnê. Ganî keye û avûkatî bieşkê pêvînayîşan bikerê. Sey avûkatanê ci ma wazenê bi xo şorê Îmrali û pê çimanê xo muwekîlê xo bivînê.''