Endamê Konseya Rayberdişî ya KCKyî Zubeyr Aydarî rojnameyê yunanan Demokrata rê qisey kerd.

Qiseykerdişê Aydarî ra beşêk wina yo:

''Îqtîdaro nikayên ê Tirkîya AKP MHP, Ergenekon, îtîhatperest û kemalîstan ra yeno meydan. Nê kesî kurdan rê qirkerdiş kenê ferz. Ma zî têkoşînê xo naye ser o naro. Tirkîya cirananê xo de, welatanê teberan de pênêkena. Rojawan, Başûrê Kurdîstanî, Iraq, Sûrîye, Tirkîya û Vakurê Kurdîstanî de şerê giranî estê.

Tirkîya nika zî verê xo da Rojhelatê Dengizê Sipî, Qibris, Yunanîstan. Tirkîya reyna çim vist 12 girawan. Erdogan û Bahçelî tim qala naye kenê.Tirkîya xo sey bihêz û ê bînan zî sey bêhêz vînena. Qibris û Yunanîstan qels vînena.

Erdoganî pê hêrişê vera zereyê Tirkîya qîm nêkerd û nika zî hêrişê der û dor kenoç

Ganî Yewîya Ewropa û dinya vera dewleta tirke bêveng nêmanê. Erdogan dîktator o. Dîktatorê winasênî eke verê xo de hêzêk bivînê hînî aver gamêke nêerzenê.

Polîtîkaya nikayêne ya Tirkîya çinkerdişî ser o ya. Dewleta tirke çinkerdişê ma ser o polîkayan kena, bi vurnayîşê demokrafîkî wazena kurdan werte ra wedara. Hîşmendîya winasêne reyde haştîye nêbena. Ma sey têgêrayîşî pabeyê çareserîye yê.''