Wekîlê HDPyî yê Çewlîgî Erdal Aydemîrî derheqê hingdarîye de vernîyazêkê persan da Wezîrîya Zîret û Daristanan.

Aydemîrî qiseykerdişê xo de îfade kerd ke Çewlîg de bi hezaran keyeyî pê hingdarîye xo devirnenê û vat: ''Ewro krîzê ekonomîkî, zeman û destekê kêmî ra hingdarîye ameye noqtaya vindertişî. Hingdaran bi xo ard ziwan ke pêleka şekerî fabrîkayan de 300 TL, marketan de 800 lîra yo û desteko ke dîyeno înan rê nêvejîyeno. Hindaran pare kerd ke eke wina dewam bikero hingî do vêşanîye ra bimirê.''

Aydemîrî vernîyaz de nê çîyî pers kerdî:

-Şima do seba çareserkerdişê meseleyanê hingdaran gamêke bierzê?

-Seba ke destek bêro zêdekerdene şima do xebatan bikerê?

-Şima seba ke hingî mîyanê xoza de bieşkê biciwîyê destekî bidê?