Wekîlê HDPyî yê Çewlîgî Erdal Aydemîrî Meclîs de qisey kerd û derheqê meseleyanê nêweşxaneyanê Bongilan û Kanîreşî de vernîyazêkê persan pêşkêşê Wezîrîya Weşîye kerd.

Aydemîrî da zanayene ke nufusê Kanîreşî 30 hezar o û nufusê Bongilanî zî 34 hezar o la nêweşxaneyanê wird qezayan de kêmasîyî estê.

Aydemîrî vat: ''Cara Nêweşxaneyê Kanîreşî qeza ra zaf dûrî yo, hetê bînî ra nêweşxane de doktorî nêweşan rê qîm nêkenê. Qezaya Bongilanî de zî kêmasîya doktoran esta û ekîpmanî kêm ê. Awanîya nêweşxaneyê Bongilanî zixm nîya.''

Aydemîrî vernîyaz de nê persî pers kerdî:

-Nêweşxaneyê Kanîreşî de kadroyî do bêrê zêdînayene?

-Nêweşxaneyê Bongilanî de kadroyî do bêrê zêdînayene?

-Ekîpmanî do bêrê peydakerdene?