Aydemîr pê xortume vejîya Meclîs: AKP pê ci bankayan veng keno
Wekîlê HDPyî yê Çewlîgî Erdal Aydemîr pê xortume vejîya kursuyê Meclîsî ser û vat: ''Ez çibenokêk pers bikera. No çita yo? Fîlî pê awe şimenê. AKP pê bankayan veng keno.''
Wekîlê HDPyî yê Çewlîgî Erdal Aydemîrî Meclîs de bêusûlîye ser o qisey kerd. Aydemîr pê xortume vejîya kursuyê Meclîsî ser.
Aydemîrî vat: ''Ez şima rê yew çibenok pers bikera. Na çirikan ra awe ana, fîl de esto fîl pê awe şimeno. AKP de zî esta pê bankayan keno veng.''
Aydemîrî qiseykerdişê xo rê wina dewam kerd: ''Cewabê çibenokî xortum a. Na xortume xortuma dewrê westatîye yê AKP û Erdoganî ya. Serêkê na xortum bankaya merkeze de yo, serê ci yo bîn zî qesre de yo. Pê na xortume pereyê bankaya merkeze herikîyeno qesre. Her ke erjê dolarî zêdîyeno na xortume bena qalind, pirr bena. Na xortume ra 128 mîlyar dolar herikîya. Erdogan bi westeyê na xortuman. Ma cewabê nê 128 mîlyar dolarî pawenê. Şima xortumker ê, naye qebul bikerê.''
