Sendîkaya Kedkaranê Xizmetanê Sosyal û Weşîye (SES) yê Şubeyê Amedî Sûr de kongreya xo ya 11. Kerd. Hemsereka Pêroyî ya DBPyî  Salîha Aydenîz û temsîlkarê partîyanê sîyasîyan û rêxistinanê komelê sîvîlî tewrê kongre bîyî.

Hemserekê SESî Şîyar Guldikenî ard ziwan ke îqtîdarê AKPyî sere kurdî  heqê cuye qet çewî nêdano û vat, "Ma do miheqeq ser bikewê."

Hemsereka Pêroyî ya DBPyî  Salîha Aydenîz zî bale ante tecrîdê serê Rayberê Şarê Kurdî Abdullah Ocalanî ser û vat: "Tecrîd ewro vera heme komelî yeno caardene. Tecrîd eynî wextî de problemê weşîye yo. Coka ganî ma her warî de heta wedaritişê tecrîdê serê Birêz Ocalanî têkoşîn bikerê. Sebebê krîzanê Tirkîya dişmenîya vera kurdan a. Ça de destkewteyê kurdan est ê,  hêrişê ûcayî kenê. Ewro îqtîdarê AKP-MHPyî hêrişê ziwan, kultur û statuye kurdan keno. Ewro Rojawan de îstasyonê petrolî, elekrîkî, embarê xeleyî, depoyê awe, nêweşxaneyî yenê bombardumankerdene. Nê sûcê merdimîye yê. Dewleta tirke rîyê dişmenîya vera kurdan ra ewro Rojawan û Başûr de sûcê merdimîye kena. Şer zî eynî wextî de sûcê weşîye yo."

Kongre de mesajê Hemşaredara Bajarê Pîlî yê Amedî Hulya Alokmen Uyanika ke wezîfeyê ci ame xespkerdene û ameye tepiştene, ame wendene.