Dewleta tirke qezaya Cizîre de wextê qedexeyan de ke 14ê kanûne ya 2015î de ameyî îlankerdene, di bodruman bi desan kesî qetil kerdî. Dewaya ke vera nê qirkerdişî ameyebî akerdene hetê AYMyî ra ameye redkerdene.
Qezaya Cizîre ya Şirnexî de dewleta tirke 14ê kanûne ya 2015î de qedexeyê tebervejîyayîşî yê 79 rojan de di bodrumanê cîyayan de bi desan kesî hewayêkê wehşîyî qetil kerdbî
Vera nê qirkerdişî Mehkeya Qanûnê Bigneyî (AYM) de dewa ameye kerdene. Muracat de derheqê qirkerdişî de zanayîş ame dayene û ame waştene ke wa mesuldarî bêrê muhakemekerdene. AYMyî muracat red kerd. Sebebê redkerdişî hema nêame eşkerakerdene.
Goreyê raporanê rêxistinanê heqanê merdiman pêro pîya 288 kesan cuya xo vînî kerde. Nînan ra 177 kesî 7ê sibata 2016î bodruman de ameyî qetilkerdene. Raporan de yeno vatene ke hemwelatîyî bodruman de verî ameyî gulekerdene dima ra zî ameyî vêşnayene. 14ê kesê ke bodruman de ameyî qetilkdene hema zî cenazayê înan nêameyî girewtene.
