Mehkemeya Qanûnê Bingeyî ya ke avûkantanê Buroyê Huqûqî yê Asrinî qerarê dîsîplînî ke Îmrali de vera Rayberê Şarê Kurdî Abdullah Ocalanî û tepişteyanê bînan ameyî dayene kiriştbî ci nê qerarî 'goreyê huqûqî' dîyî.
Avûkatanê Buroyê huqûqî seba ke cezaya dîsîplînî dîyaye muwekîlê înan Omer Hayrî Konarî muracatê Dadgerîya Înfazê Bursa û Mehkmeye Cezaya Girane ya Bursa kerd ke wa derheqê dosya de zanayîş bidîyo înan û wa cezaya dîsîplînî ke goreyê huqûqî nîya bêro wedaritene. Muracatê avûkatan wird hetan ra zî ame redkerdene.
Avûkatan seba ke muwekîlanê înan Veysî Aktaş û Hamîlî Yildirimî keyeyanê xo dir pêvînayîş bikerê menga teşrîna verêne de muracatê Dadgerîya Înfazî kerdbi la wird muracatî zî ameyî redkerdene. Avûkatan nê qerarê behuqûqî yê derheqê Veysî, Aktaş û Hamilîyî kirştî Mehkemeya Qanûnê Bingeyî (AYM).
AYMyî ke 13ê adare de dosya girewte dest, derheqê muracatê her hîrê tepişteyan de qerarê sey 'nîno qebulkerdene' girewt. AYMyo ke vat binpaykerdişê heqanê çîn o bi nê qerarî astenkerdişê pêvînayîşê avûkatan û keyeyî û avûkatî nêeşkenê biresê qereranê derheqê muwekîlanê xo goreyê huqûqî dîyî.
