Endamê Rêxistina Askapena ya Baskî Aratz Estondayî derheqê tecrîdê vera Rayberê Şarê Kurdî Abdullah Ocalanî de ANFyî rê qisey kerd.

Estondayî ard ziwan ke rewşa Rayberê Şarê Kurdî goreyê peymananê mîyanneteweyîyan nîya û vat: ''Wexto ke babete bena tepişteyanê sîyasîyan hukmê peymananê mîyanneteweyîyan nênê caardene.''

Estondayî îfade kerd ke CPTyî 20-29ê êlule de Tirkîya zîyaret kerda û dima derheqê zîyaretî de agahîye nêdaya. Estondayî pare kerd ke no nêzdîbîyayîşê Ewropa dirîtî ya. Estondayî da zanayene ke Yewîya Ewropa rêxistinanê bask û kurdan sey 'terorîstan' pênase kena, Tirkîya fînanse kena ke koçberan bigêra û vat: ''YE mîsalê xo yê peyênî de mojna ke rêzdarîya ci ya seba heqanê merdiman nêmenda.''

Aratz Estondayî pê hesna ke têkoşînê şarê kurdî do bibo serkewtişê şarê Baskî zî û azadîya Rayberê Şarê Kurdî Abdullah Ocalanî do seba demokratîkbîyayîşê Tirkîya biba gamêka pîle, tepişîyayîşê ci zî yeno manaya tepişîyayîşê şarê kurdî.