Hemsereka TUHAY-DERî ya Wanî Edîbe Babur derheqê tecrîdê vera Rayberê Şarê Kurdî Abdullah Ocalanî de ANFyî rê qisey kerd.

 Edîbe Babur vist vîrî ke Rayberê Şarê Kurdî ra 31 mengî yo xeberêke nêna girewtene û na rewşe şarê kurdî zaf qerqilnena. Babure vat: ''Eke Birêz Ocalanî ra xeberêke nêra girewtene şer do giran bibo.''

Babure îfade kerd ke tecrîdê Îmraliyî pêro zîndanan rê vila bîyo û vat: ''31 mengî yo ne avûkatanê ci ne zî keyeyê ci Birêz Ocalanî de pêvînayîş nêkerdo. Qetî ey ra xeberêke çin a. No sûcêkê vera merdimatîye yo pîl o. Tecrîd ewro pêro zîndanan ra vila bîyo. Tecrîd teyna zîndanan de ney her ca de, vera komelî yeno kerdene. Ganî Abdullah Ocalan cade bieşko avûkatanê xo û keyeyê xo bivîno. Şert û mercê zîndanê Îmraliyî xirab ê. Zîndanan de îşkence û zulm est o.''