'Bahaneya Almanya seba qedexeyî qîm nêkena'

Sîyasetmedara kurde Nîlufere Koç serrgêra 27. ya qedexeyê vera PKKyî yê Almanya ser o qisey erd û vat ke bahaneyê nê qedexeyî hînî fayde nêkenê.

Hemsereka verên ya Kongreya Neteweyî ya Kurdîstanî (KNK) Nîlufere Koç derheqê qedexeyê vera PKKyî de qisey kerd.

Nîlufere Koç vat: '' Sere de Almanya Ewropa de 27 serran ra nata kurdî nê qedexeyî ra semed maruzê teda û cezayan manenê. La dewletî nê qedexeyî ra zaf zehmetîyan ancenê. Serra 27. de dîyeno ke no qedexe çewî ra fayde nêkeno.Bahaneyê ke rayaumûmîye rê yenê pêşkêşkerdene hînî qîm nêkenê. Rayaumumîya Almanya bisempatî ewnîyena kurdan. Mesela nika Partîya Keskan paştî dana PKKyî la serranê 1993î de tewr zaf na partî hêrişê PKKyî kerdêne. Rojdem de vera Erdoganî yew tewiro hempar esto. Nika komeleyê faşîstî yê AKP-MHPyî Ewropa de yenê qefilnayene. Kurdî hînî hêz ê û PKK zî Rojhelatê Mîyanênî de aktorêk o. Ewropa nêeşkena na raştîye nêhesibna. ''