Rêxistina DEM Partî ya Balikesîrî Merkezê Kulturî yê Reha Yurdakulî de ''Konferansê Ekolojî yê Balikesîrî'' serûber kerd.

Konferans de hêverî Hemserekê Pêroyî yê DEM Partî Tuncer Bakirhanî qisey kerd. 

Bakirhanî da zanayene ke îqtîdar û sermaye bi heman hişmendîye têgêrenê û vat: ''Seba rantî îqtîdar û sermaye hêriş kenê. La ma soz danê ke vera sermaye têbigêrê. Têkoşînê demokrasîyî reyde têkoşînê vera qirkerdişê ekolojîkî zî hende muhîm o. Welat mîyanê krîzê ekonomî de yo la wayîrê şîrketanê madenî kêf kenê. 

Îqtîdarê AKP-MHPyî pêro koy, daristan, awbend û waranê xoza talan keno. No îqtîdar dişmenîya xoza keno. Ganî ma vera nê îqtîdarî têkoşînê ekolojî yê xurtî bikerê. Seba ney zî ganî hêverî ma xo rêxistin bikerê. 

Balikesîr de 155 madenanê şîrketan, qasê 279 ruxsatê cigêrayîşî-şuxilnayîşê madenî girewtê. Pêro qezayanê Balikesîrî de rewşe wina ya. Armancê nînan rant o. Ma nê îqtîdarî ra ganî xo bixelisnê ke Tirkîya ver bi rijîyayîşî beno.''