Qezaya Altieylulî ya Balikesirî de vizêr şan hîrê karkeranê ke park de muzîko kurdkî ra goştarî kerdêne ameyî tepiştene

Ozgur Îpek, Mehmet Argin û Cemal Guzel gama ke Parka Ataturkî ya Altieylulî de muzîko kurdkî goştarî kerdêne raştê hêrişê polîsan ameyî. Polîsan nasnameyê înan waştî ciwanan zî vat ê têna muzîk goştarî kenê û nasnameyê xo nêda. Naye sero polîsan bi şîdetî ê destbend kerdî.

Birayê Cemal Guzelî ke ame destbendkerdene Kadir Guzelî vat bado ke birayê ci û embazê ameyî destbendkerdenê raştê hêrişê polîsan derûdorî tay kesan ameyî. Guzelî vat şîdetî nezarat de zî dewam kerd û destûr nêdîya raporê derbî bêro girwetene.

Saetanê serê sibayî de hîrê karkerî vejîyayî Edlîyeya Balikesîr û dimara bi waştişê tepiştişî sewqê mehkeme bîyî. Mehkeme de hîrê karkerdî sûcdarîya '2propagandaya rêxistene'' ameyî tepiştene.