Bajarê Strasbourgî yê Fransa de semedê protestokerdişê Komployê Mîyanneteweyîyî yê 15 Sibate yê vera Rayber Apoyî rayraşîyayîş ame kerdene. Dimara mîtîng ame kerdene.

Wekîlê Partîya Keskan a Fransa Sandra Regolî mîntîng de qisey kerd û nê vatî: ''Ez xoverdayîşî selam kena. Ganî Ocalan bibo azad. Ma do tim paştî bidê têkoşînê şima. Eke Ocalan bibo azad meseleya kurdan eşkena bêro çareserkerdene.''

Hemsereka KNKyî Zeybebe Murad zî vat: ''Ma reyna heme waranê komelkî û sîyasîyî de têkoşînê xo xurtêr bikerê, heqanê xo yê neteweyîyan  bifînê dest. Ma sîstemê Îmrlaiyî, tecrîdî wederê. Jin Jiyan Azadî. Wa biciwîyo xoverdayîşê Îmraliyî!''

Çalakwananê Rayraşîyayîşê Dergî yê 26 rojan zî şar selam kerd û mesajê xoverdayîşî dayî.

Reyna qiseykerdoxanê bînan zî bale ante muhîmîya rolê Rayber Apoyî û sîstemê Îmraliyî ser û waşt wa Rayber Apo cade bibo azad û muzakereyî bêrê destpêkerdene.

Endamê Heyetê Îmraliyî yê verênî Îdrîs Baluken zî ard ziwan ke şaro ke Strasbourg de ameyo têhet mojneno ke komplo ameyo rijnayene.  

Balukenî nê vatî: ''Ma ewro reyna Strasbourg de komployî şermezar kenî. Semedê prosesê newî yo ke Birêz Ocalan do bibo destpêkerdene, heyecanê ma gird o. Ma tîya ra Rayberê Şarê Kurdî selama kenê. Ma samîmîyetê Birêz Ocalanî muxatabanê ci de nêvînenê la hema hêvîya ma zaf gird a. Çunke paşta ma Birêz Ocalanî ra pêt a. Ganî semedê Birêz Ocalanî şertê azadî yê xebityayîş û muzekreyan bêrê pêardene.

Rayîrê haştîye muzekereyan ra û rayîrê muzakereyan zî akerdişê beranê Îmraliyî ra ravêreno. Şarê kurdî ganî bi perspektîfê yewîya neteweyîye  prosesê newî de ruhê têkoşînî ganî tepişo. Ganî ma nê sehneyê fînalî bi çareserî û muzakereyan bi prosesê haştîye biqedînê. Masaya ke Abdullah Ocalan tede yo kurdî vînî nêkenê.''

Badê qiseykerdişê Balukenî mîtîng bi goştarîkerdişê muzîkî qedîya.