Hemserekê HDPyî yê Inegolî Seyfettîn Havuzî da zanayene ke binşewe hetê kesanê ke nînê zanayene ra banê partîye de pano û afîşî ameyî vêşnayene. Havuzî bale ante serê ke ber û pencereyî pê zorî nêaeyî akerdene.
Kesê ke kewtê banê HDPyî yê qezaya Inegolî ya Bursa çî-mî yê înan vêşna. Hemserekê HDPyî yê Inegolî Seyfettîn Havuzî ke ANFyî rê qisey kerd vat ber û pencereyî pê zorî nêaeyî akerdene.
Havuzî vat: Ber pê zorî nêbîyo a û camî nêşikîyayî. Îxtîmalo ke ber pê çîlîngîrî ameyo akerdene. Serê sibayî esnafan xebere daye ma ke banê partî de rêçê sîyayî estê. Heta ma ameyî polîsan dimenê kamerayanê dikanan berdî bî. Hêrişkaran pankartêkê HDPyî ser zî nîşanê reykî eşt bi. Ma do peynîya na mesele camêverdê.
