Fermandarîya Akademîya Huseyîn Demîrcîogluyî ya MLKPyî derheqê 1ê Gulane de eşkerayîyêke daye û dîyar kerd ke sîstemê kapîtalîzmî rijnayîşê gonî û hêsiran ra ber, zulm û zorbazîye ra ber çîyêk nêdayo karker û kedkaran.
Fermandarîya Akademîya Huseyîn Demîrcîogluyî ya MLKPyî derheqê 1ê Gulane de eşkerayîyêke daye.
Eşkerayîye de ame parekerdene ke sîstemê kapîtalîzmî xîret keno ke xo fîraz bimojno la ey rijnayîşê gonî û hêsiran ra ber, zulm û zorbazîye ra ber çîyêk nêdayo karker û kedkaran.
Eşkerayîye de ame îfadekerdene ke ancî eşkera bîyo ke sîstemê kapîtalîzmî teyna serdestîya camêrdan, kolonyalîzm û faşîzm weye keno û barbarîye ber ano. MLKPyî vat: ''Tarîx ancî venga merdimatîye dano ke bi îdeolojîya Marksîzm-Lenînîzmî xo bixemilna, binê sosyalîzmî de bêra yewca û vera kolonyalîzmî şer bikera. Ganî cewab bêro dayene nê vengdayîşî. Îqtîdarê AKP-MHPyî rîyê kapîtalîzmî yo tewr zelal o.
Şarê Kurdîstanî û Tirkîya, karker, kedkar, bindest, cinî û ciwanî ganî 1ê Gulane de wurzê payan ser. Sîstemê AKP-MHPyî yo faşîst ganî bêro çinkerdene. Ganî sey Newroze û 8ê Adare 1ê Gulane de meydanî bêrê dekerdene.''
