Keyepelê rojnameyê Xwebûn.orgî bi bira Dezgehê Îrtîbatî û Teknolojîya Zanînî 28ê çeleyê 2022î de amebi astengkerdene. Keyepelî bi lînkê xwebun1.com dest pê weşaneyî kerd.

Nêrazîbîyayîşê vera astengbîyayîşê rojnameyî dewam kenê. Baroyê Amedî ra dima Baroyê Şirnexî zî hesabê xo yê twitterî ser o vera astengîya serê Xwebûnî nêrazîbîyayîşê xo mojna. Komîzyonê Ziwanê Kurdkî yê Baroyê Şirnexî eşkerayîya xo de vist vîrî ke rojnameyê Xwebûnî   2019 ra nata bi kirmanckî û kurmanckî weşane keno û tek rojnameyo kurdkî yê Tirkîya yo. 

Komîsyonî vat: ''La heyf ke rojname bêsebeb û bêbira mehkeme ame astengkerdene. No vera azadîya îrtîbatî û çapemenîye yo. Ma sey Baroyê Şirnexî na astengîya vera kurdkî qebul nêkenê. Ma venga selahîyetdaran danê ke cade na astengîye wedarnê û polîtîkayanê qedexekerdeyan ê vera kurdkî ra fek vera bidê.''