Serekê Herêma Kurdîstanî Mesrûr Barzanî û Serekwezîrê Herêma Kurdîstanî Neçîrvan Barzanîyî  Almanya de selahîyetdaranê dewleta tirke ya îşxalkere reyde pêvînayîş kerd.

Mesrûr Barzanî vizêr Konferansê Asayîşî yê Munîhî de Wezîrê Pawitişî yê dewleta tirke ya îşxalkere Hulusî Akarî reyde pêvînayîş kerd. Akarî ke derheqê pêvînayîşî de eşkerayîye daye vat înan şirîkîya têkoşînê vera terorî ser qisey kerd.

Neçîrvan Barzanîyî zî Akarî reyde qisey kerd. Akarî badê pêvînayîşê Barzanîyan Wezîrê Karanê Teberî yê Iraqî Fuat Huseyînî reyde ame têhet. Derheqê nê pêvînayîşî de wird hetan zî eşkerayîye nêkerde.

Hetê bînî ra Mesrûr Barzanî hesabê xo yê twîtterî ra da zanayene ke ê Wezîrê Karanê Teberî yê Tirkîya Mevlut Çavuşogluyî reyde pê telefonî qisey kerdo.