Şaristanê Baselî yê Swîsre de bi wesîleya serrgêra qirkerdişanê menga kanûne (Mereş, Roboskî û 19ê Kanûne) kombîyayîşêk ame kerdene. Yadkerdiş ra dima derheqê qirkerdişan de panelêk ame serûberkerdene.

Xoverdayoxanê rojeyê mergî yê 19ê Kanûne, cigêrayox-nuştox Azîz Tunç û sîyasetmedaro kurd Nejdet Atalal sey qiseykerdoxan tewrê panelî bîyî. Qiseykerdoxan da zanayene ke nê qirkerdişî seba pawitişê sîstemê faşîstî yê dewleta tirke ameyî kerdene.

Tunçî ard ziwan ke Qirkerdişê Mereşî ra verî provayê qirkerdişî bi paştdayîşê dewlete ameyî kerdene û vat bi giranî herêmanê ke nufusê kurdan û elewîyan tede zêde bîyî ameyî hedefkerdene.

Gudenî zî bale ante Qirkerdişê 19ê Kanûne ser û vat ke zindanan de hema zî îşkence dewam keno. Gudenî bale ante tecrîdê Rayberê Şarê Kurdî Abdullah Ocalanî ser zî.

Nejdet Atalayî vat: "Dewleta tirke wayîra tarîxêkê barbarî, qirkerdişan û îşkenceyan a ke nika zî na barbarîye dewam kena. Polîtîkayê çinkerdişê neteweyî û vera sîyasetmedaranê kurdî dewam kenê."