Şaristanê Baselî yê Swîsre de bi wesîleya 8ê Adare Roja Cinîyan ê Kedkaran a Dinya vera şer û kolonyalîzmî rayraşîyayîşêk ame kerdene. Serkêşîya Platformê 8ê Adare de dezgehê cinîyanê Kurdîstanî, Tirkîya, Swîsre û cinîyê koçberî tewrê çalakîye bîyî. 

Dima nameyê platformî ser o eşkerayîyêke ameye dayene û rêxistinanê cinîyan vera şerê Rûsya û Ukrayna pare kerd ke ê do tim haştîye bipawê.

Nameyê Meclîsê Cinîyan ê Ronahî yê Baselî Ozene Aytaş qisey kerd û bale ante paradîgmaya demokratîke, ekolojîke û azadîgîrîya cinîyan ê kurdan ser. Endamanê Meclîsê Ronahî çalakîye de seba ke PKK 'lîsteya terorî' ra bêro vetene îmzayî arê dayî.

Polîsanê Baselî bi bahaneya ke rayraşîyayîş bêdestûr o verê cinîyan de bendî nayî ro û vera cinîyan gazê îsotî şuxilna. La cinîyan rayraşîyayîşê xo dewam kerd.

Polîsên Baselê bi hinceta ku meş bêdestûr e, li ser rêgeha meşê bend danîn û li dijî jinan gazên çavan dişewitîne bi kar anîn. Li gel destwerdanê jî jin heta ClaramatteParkê meşiyan.

Şaristanê Rocherfortî yê Fransa de zî Newroze ameye fîrazkerdene. Bi seyan kesî beşdarê şayîye bîyî. Şayîye de Aras Agîr, Metîn Zîlan, Seyda Perînçek û Çetîn Zîlan vejîyayî sehne ser.