Rayraşîyayîşê Azadîye yê Pîlî yo ke semedê azadîya fîzîkîye ya Raberê Şarê Kurdî Abdullah Ocalanî û çarserîya meseleyan kurdan dîya destpêkerdene roja çarine de resa merkezê Agirî.

Rayraşîyayîşo ke heta buroyê weçînayîşî yê DEM Partî ame kerdene de sloganê sey “Bijî berxwedana zindanan” û “Bê serok jiyan nabe” ameyî vatene. Şar zî bi çepik û tîlîlîyan tewrê rayraşîyayîşî bi.

Verê boruyê weçînayîşî de Parlametera DEM Partî Hevale Bozdag qisey kerd. Bozdage nê vatî: ''Têkoşînê edalet û seyewbînîye qîm nêkeno, ganî no têkoşîn bi azadîye bêro tacîdarkerdene. Ma azadîya Birêz Abdullah Ocalanî wazenê. Ma wazenê bi nê rayraşîyayîşî rayîrê azadîye abikerê. No rayraşîyayîş eynî wextî de rayraşîyayîşê o şarî yo ke vera faşîzmî têkoşîn keno. Ewro butçeyo ke ganî semedê şarî bêro şuxulnayene semedê şerî yeno şuxulnayene. Şar tengayîya pîle anceno.

No rayraşîyayîş vera nê heme neheqîyan vejîyeno. Ganî rayraşîyayîş bibo rojdem bêro muneqeşekerdene. Ganî sîyaseto ke şaran keno dişmenê yewbînan bêro qedînayene.  Şarê kurdî bedelê nê dano. Zîndanan de tepişteyî şertanê xiraban de yê. Ewro zîndanan de her ca de vera neheqîye çalakîye est ê. Tepişteyî grevê vêşanîye de yê. Vera bêhuqûqîye bedel yeno dayene. Ma eşkenê na bêhuqûqîye bişiknê. Coka ganî şarê ma paştî bido ma.''

Raywanê Azadîye dima ra ver bi Panosî kewtê rayîr.