Hemserekê Pêroyî yê DBPyî Kesîn Bayindiro ke sey rehîn yeno tepiştene Zîndanê Amedî ra mesajê serra newî şawt û  vat: ''2023 de AKP-MHP do bin bikewo.''

Bayindirî vat: ''Îqtîdarê ke vera destkewteyanê kurdan hêriş kenê her leteyê Kurdîstanî de şarê ma vara înan têkoşînê demokrasî û azadîye keno. Ma na serre pê têkoşînî xo dima verda. Rojhilat de pê slogana jin, jîyan, azadî serkêşîya cinîyan de serewedaritişo ke ame destpêkerdene û hêrişê vera herêma Kurdîstanî û Rojawanî bîyî rojdemanê muhîman ê dinya ra yew. Hetê bînî ra rolê şarê kurdî yê sîyasetê Tirkîya bale ante xo ser. Îqtîdarê AKP-MHPyî yo ke wazeno pê polîtîkayanê şerî payra bimano heme averşîyayîşan sey astengî vîneno. Coka her qeyde zirar dana destkewteyan û ercanê kurdan.

Şarê kurdî vera nê hêrişan peyser game nêeşte, teslîm nêbi.Tewiro qerardar ê şarê ma tersê binkewtişî yê înan zêdîna. Wazenê ke hîkayeyêka qehremanîye binusî la do meşekê binusê Coka hêrsê înan zî hende têkoşînê ma gird o.  Bawer bikerê, ê do vera hesretê kurdan ê ke peyser game nêerzenê û milê xo çewt nêkenê, ê do bin bikewê. Bawer bikerê ê do pê nê hêrişan meeşkê destanê ma girê bidê. Serra 2022yî bîye sera têkoşînê demokrasî û azadîye. Serra 2023yî do bibo Serra binkewtişê îqtîdarê AKP-MHPyî. Bi nê zanayîşî Serra 2023yî do semedê şarê ma û mazlûman azadîye û seyyewbînîye, semedê heme şaranê dinya bibo Serra haştîye û îstîkrarî. Serra şima ya newî pîroz bo.''