DEM Partî qezaya Bazîdî ya Agirî de kombîyayîşê şarî kerd. 

Bazîd de bi beşdarîya Hemserekê DBPyî Keskîn Bayindirî kombîyayîş vurîya mîtîngî. Şarî pankarta 'Ma do qetî ser bikewê' akerde. 

Mîtîng de namzedê Şaredarîya Bazîdî yê DEM Partî Kenan Alkanî vat ke şar ancî seba wayîrvejîyayîşê îradeyê xo meydanan de yo. 

Dima Hemserekê Pêroyî yê DBPyî Keskîn Bayindirî qisey kerd û îfade kerd ke bi mîlyonan kurdî çar hetanê dinya de seba azadîya xo payan ser de yê. Bayindirî vat: ''Ma do nê weçînayîşan de destûr nêdê Erdogan û Bahçelîyî. Ma do qeyî ser bikewê. Ma kolonyalîzmî qebul nêkenê. Gabî kurdî bibê yew. Ma do cewabê ferasetê faşîstî û planê şerî bidê.

Ma kurd ê û kurdîstanij ê. Ma wazenê meseleya kurdan bi rayîrê demokrasîyî çareser bikerê. Seba ney zî ma çarçewa huqûqê haştî û biratîye de nêzdîyê her çî benê. Muxatabê çareserîya demokratîkî Birêz Abdullah Ocalan o. Ma do 1ê nîsane de pîya serkewtişê xo fîraz bikerê.''

Mîtîng bi govendan qedîya.