Rêxistina DEM Partî ya qezaya Bagcilarî ya Îstanbulî derheqê weçînayîşanê 31ê adare de kombîyayîşê amadekarîyan kerd. Hemserekê DBPyî Keskîn Bayindir, namzedê Şaredarîya Îstanbulî yê DEM Partî Merale Daniş Beştaş û xeylêk kesî tewrê kombîyayîşî bîyî.

Kombîyayîş de Keskîn Bayindirî qisey kerd û ard ziwan ke ganî Newroza 2024î biba Newroza azadîya Rayberê Şarê Kurdî Abdullah Ocalanî. Bayindirî vat: ''Coka ma vanê Newroza 2024î do biba referandumê kurdan. Newroza Îstanbul û Amedî do hêvîya seba azadîya Ocalanî bizêdîna.

Erdogan keno ke kurdan û têkoşînê kurdan biqedîno coka her ca de hêrişê kurdan keno. La şarê kurdî Newroze do tewirê xo bimojno û xoverdayîşê xo eşkera bikero. Şer giran bibo zî xoverdayîş û têkoşînê ma zî tarîxî yê. Hinî bes nêkeno ke teyna tecrîdê vera Rayberê Şarê Kurdî wedarîyo. Seba çareserîya meseleya kurdan ganî tecrîdê Îmraliyî bişikîyo. Şarê kurdî wayîrê ê hêz û qerardarî yo ke tecrîdî bişikno.''