Çalakîya nobeta ke vera hêrişanê îşxalî yê dewleta tirke û çeteyanê ci yê vera Rojawanî sînorê Kobanê de dîyaye destpêkerdene dewam kena. Wekîla DEM Partî ya Mêrdînî Bêrîtane Guneşa çalakîya nobete de ca gena, ANFyî rê qisey kerd.

Bêrîtanê Guneş nê vatî: ''Ma nê sînoran nas nêkenê. Semedê ma ferqê Vakur û Rojawanî çîn o. Dej û waştişê azadîye yê Rojawanî sey Vakurî yê. Her roje ma dahînî ra nizdî ra vînenî ke nê sînorî ne tekîlîya merdiman ne zî qederê şarî bedilnenê. Nobeta ma ke bi rojano yena kerdene  de ma wayîrê heqîqet û xoverdayîşê Rojawanî vejîyenê. Heqê şaranê Rojawanî est o ke mîyanê asayîşî de biciwîyê û statuyê înan rê ganî hurmet bêro kerdene. Ma bi çalakîya xo wazenê ke wa nê hêrişî cade bêrê vindarnayene.

Haştîye û wayûbiratîye têna eke şarî bieşkê qederê xo bi xo tayîn bikerî, benê. Hêrişê vera Rojawanî hêrişê vera cuyeya azade yê. Wayîrvejîyayîşê Rojawanî wayîrvejîyayîşê şorişî, seyyewbînîye û azadîye yo. Ewro her hetê dinya de enternasyonalîstî paştî danê Rojawan la no qîm nêkeno.Ganî Kurdîstan, Tirkîya û dinya de sloganê  ‘Bijî Berxwedana Rojava’  dahîna bibê berz û felsefeya ‘Jin Jîyan Azadî’ bizimo. Gama ke ma qala Rojawanî kenê eslê xo de ma qala Birêz Abdullah Ocalanî kenê ke mîmarê Şorişê Rojawanî yo. Ganî tecrîd cade bêro wedaritene û masayê muzakereyî newera bêrê ronayene.''