Hemserekê Meclîsê Kurdîstanijanê Azadan ê Berlinî (Nav-Berlin) Huseyîn Yilmazî ANFyî rê qisey kerd û pare kerd ke Berlin de amadekarîyê Rayraşîyayîşê Kolnî qedîyayê.

Yilmazî da zanayene ke çarçewa Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' de xeylêk çalakî, konferans û mîtîngî yenê kerdene û vat: ''Asta tewr berze de zî Koln de rayraşîyayîşo merkezî do bêro kerdene. Bi se hezaran kesî do verê xo bidê Kolnî. Ma do dormeyê Rayberê xo de kom bibê û vajê ke wextê azadîya Rayber Apoyî ameyo.

Berlin de amadekarîyê seba rayraşîyayîşê Kolnî qedîyayî. Otobusî amade bîyî. Keye, dikan û komelê şarî ameyî zîyaretkerdene. Şarê kurdî û dostê ma Koln de do bimojnê ke wextê azadîya Rayberîye ameyo. Ma venga pêro kurdîstanijanê Ewropa danê ke 16ê sibate de saete 23.00 de bi otobusan tewrê rayraşîyayîşî bibê.''

Tarîx û cayê niştişê otobusan:

16ê Sibata 2024î

Saete 23.00

Residenzstraße 54,

13409 Berlin (Komel)