Paytextê Almanya Berlin de Meclîsê Cinîyan ê Dest-Danî, Cinîyan ê Ciwanan ê Zora û Yewîya Cinîyan ê Sosyalîstan bi şîarê ''Xeyalê ma yê azadîye sozê ma yê şorişî yo'' çalakîya rayraşîyayîşî kerde.

Aktîvîsta Meclîsê Cinîyan ê Dest-Danî Susanne Rossling çalakîye de vat: ''Şexsê Aysele Tugluk de seba ke tepişteyê sîyasîyî vera bidîyê ma ameyî yew ca û seba cinîyanê ke hêrişanê dewleta tirke û DAÎŞî de şehîd bîyî zî na çalakîye kenê.''

Cinîyan pê pankartan bale ante rewşa cinîyan ê tepişteyan ser û sloganê sey ''Cinîye, Cuye, Azadîye'' vatî.