Hemsereka Konseya Rayberdişî ya KCKyî Besê Hozat derheqê tecrîdê Îmraliyî û hêrişanê îşxalî de cewab da persena Medya Haber TVyî.

Bezê Hozat ard ziwan ke dewleta tirke wazena tecrîdê serê Rayberê Şarê Kurdî Abdullah Ocalanî bikero babetê bazarîye û vat:  '226 serrî yo Rayberîya ma binê sîstemê qirkeridşî de teêkoşîno gird dano. Dormeyê nê têkoşînî de têkoşîno biheybet ê şar, gerîla û zîndanî est o. 26 serrî yo Rayberê ma testê dewleta tirke de rehîn o. Polîtîkaya rehîne yena rayraberdene. Nê rojanê pêyenan de tay zanayîşî resayê ma. Ma nînan muhîmî vînenê ke rayrapêroyîye dir pare bikerê. Goreyê zanayîşanê ke çimeyanê sexleman ra ameyî girewtene tay selahîyetdarê tayfayê Erdoganî vanê eke ma şertanê înan bîyarê ca ê destûrê pêvînayîşê Îmraliyî danê. Vanê 'eke wina wina bikerê, Ocalan eşkeno birayê xo bîvîno û dima ra avûkatî eşkenê ey bivînê' Çimeyê ke nê xeberan danê çimeyê sexlem ê. Hetê ke zanayîş danê, ma înan zî nas kenê.

Raşta zî serê Rayberîya ra polîtîkayê leyminî yenê rayraberdene. Xora Rayberîya ma zî xo destê dewleta tirke de sey rehînî pênas kerdêne. Nêzdîbîyayîşê winayênî bi serran o est ê. Ma tim vatê. Serê Rayberîya ma ra polîtîkaya şantajî kenê, bazarîye kenê. Rewşa Rayberîya ma kenê babeta bazarîye. Na namerdîye ya. Raşta na polîîtkaya leymina ke sînorê qet ehleq û huqûqî nas nêkena. Ma nê tewir polîtîkayan zaf leymin û xirabin vînenê û bişîdetî red kenê, lanet kenê; ma nê eşkera vajê. Çew nêeşkeno Rayberîya ma bikero babeta bazarîye. Çîyo wînayên nîno qebulkerdene.

Heqê Rayberîya ma est o ke pêvînayîş bikero. Heqê qanûnî nêeşkenê bibê babetê bazarîye.  Îmrali de huqûqê Tirkîya û huqûqê mîyanneteweyî yeno binpaykerdene. Zîndanan de tecrîd û îşkence est o. Rixmo ke cezeya xo anta tepişteyî nînê veradayene. Tepişteyê nêweşî mergî rê ameyî caverdayene. Merdimê 70, 80, 85 serrî yenê tepiştene, erzîyenê zîndana. Domanê qişkekî zîndanan de benê pîl. Nuştox û roşnvîê ke xo Tirkîya de sey demokratan pênas kenê seba na rewşe vanê se? Eke çîyêk nêvanê ê roşnvîr û nuştoxî nîyê. Ganî heme hetê demokratîkî vera sîstemê îşkence û tecrîdî yê Îmraliyî vengê xo berz bikerê.

Na çarçewa de hemleya azadîye zaf muhîm a. Xora nê pêro netîceya hemle ya. Hemleya azadîye rejîmo faşîst ard na nuqta. Vera têkoşînî hende zor de mend ke, hîşê xo vînî kerda. Avûkatan gamê muhîmî eşt ê. Nika rewşa Rayberîye rojdemê Neteweyanê Yewbîyayeyan de ya. Ganî têkoşîn bêro xurtkerdene. Çunke şexsê Rayber Apoyî de erjê merdimîye yenê qetilkerdene. Vera erjanê erdimîye hêriş est o. Ganî azadîya fîzîkîye ya Rayber Apoyî merkezê têkoşînî de cayê xo bîgêro. Eke ma têkoşînî xurtêr bikerê û bêmabên bidomnê ma do miheqeq ser bikewê.''