Endamê Meclîsê Partî yê HDPyî avûkat Serhat Erenî tecrîdê vera Rayberê Şarê Kurdî Abdullah Ocalanî û tesîrê ci ANFyî rê ercnayî.

Avûkat Erenî vist vîrî ke tecrîdê vera Abdullah Ocalanî 22 serrî yo dewam keno û key prosesê çareserîye hetê AKPyî ra ame qedînayene tecrîd bi giranêr.

Erenî bale ante hetê komelkî, huqûqî, sîyasî û ekonomîkî yê tecrîdî ser û vat: ''Dimake hukmat bire daye ke tecrîd giranêr bikero çimeyê welatî seba şerî şuxilîyayî. Coka xizanî û bêkarîye zêdîyayî. Seba ke tecrîd bidîyo dewamkerdene huqûq ame binpaykerdene. Hukmatî dima ke tecrîd kerd giranêr Îmrali de prosesê neheqîye awan kerd. Coka bahaneyê astengkerdişê pêvînayîşanê Ocalanî huqûqî nîyê. Na neheqî wextêkî ra dima vurîya krîterêk. Semedo ke beşêko pîl ê komelî vera tecrîdî nêwerişt ra hukmat sîstemê Îmraliyî dewam keno. Kurdan ra ber ê kesê vera na neheqî û bêhuqûqîye veng nêvet înan vatêne qey na rewşe têna Îmrali de bimana. Tecrîd ewro temamîya welatî ra vila bîyo.''

Avûkat Erenî pare kerd ke dewle dewleta tirke paştîya xo dana tecrîdê Îmraliyî û coka Kurdîstan û Tirkîya de bêhuqûqîye zêdîyena. Erenî vat: ''Partîyanê sîyasîyan ra heta rêxistinanê komelkî û huqûqîyan êyê  ke vera neheqîye bênveng mendî dima maruzê neheqîye mendî. Eke şima vera tecrîdî tênêgêrê hînî tecrîd pêro komelî ra vila beno.Coka ganî têna kurdî nê pêro komelî vera tecrîdî têbigêro.''

Erenî bêvengîya rêxistinan a vera tecrîdî rexne kerde û îfade kerd ke na bêvengîye ra semed tecrîd ewro vera her kesî yeno kerdene.