Sîyasetmedaro kurd Selahattîn Demîrtaşo ke dewleta tirke sey rehînî Zîndanê Edîrne de tepişena narey zî bi îdîaya 'heqeratê Erdoganî kerd' cezaya 3 serran û 6 mengan dîyaye ci.

Mehkemeyêka tirke ya Anaqara cezaya tewr berze ya 3 serran û 6 mengan daye Demîrtaşî.

Demîrtaşî serra 2015î de derheqê polîtîkîya Tirkîya vera Rûsya de vatbi ''Şar ne vera Rûsya ne zî vera welatê bînî şer wazeno.'' Demîrtaşî bale antebî ser ke hukmatî şar fînayo mîyanê tengayî û vatbi: ''Înan welat û şarî rê xayînîye kerde. Nika zî wazenê serê ma ra xetayanê xo binimnê.''