Aktîvîste û avûkate Paula Martin Ponz derheqê tecrîdê serê Rayberê Şarê Kurdî Abdullah Ocalanî ANFyî rê qisey kerd. Qiseykerdişê Ponze ra tay cayî wina yê:

'' Goreyê Pêkerdişê Heqanê Merdiman ê Ewropa tecrîd bi xo sûc o. Raybero sîyasî yo kurd Abdullah Ocalan 24 serrî yo binê tecrîdî de yo. Birêz Ocalan tewr peynî de 2020 de birayê xo de rî bi rî pêvînayîş kerd. Adara 2021î de pêvînayê telefonî kerd û a roje ra nata tira xebere nîna girewtene. Heqê merdiman ê tewr esasî yê Abdullah Ocalanî yenê binpaykerdene. Xora nizdîbîyayîşê vera mehkumî nizdîbîyayîşê vera keyeyê ci û paşgeranê ci yo zî. Tecrîdê vera Abdullah Ocalanî vera şarê kurdî  zî cezakerdiş o. 

Heme muracatê pêvînayîşî yê avûkatan yenê redkerdene ya zî bêcewab yenê verdayene. 2019î ra nata pêvînayîşê avûkatan nêameyî kerdene. Seba ke avûkatî nêeşkenê pêvînayîş bikerî, nêeşkenê hazîrîya xo ya pawitişê fermî zî bikerî. Hetê bînî ra rewşa Birêz Abdull Ocalan û tepişteyanê bînan zî nîna zanayene. Avûkatî seba ke karê tepişteyan hal bikerî, derheqê rewşa înan de xebere bîgêrê û mabênê tepişteyan û îdareyê zîndan de bigurîyê, est ê. No heqo esasî yê heme tepişteyan o. Semedê pawitiş û hukmkerdişêkê edîlî ganî pêvînayîşê avûkatan bêro kerdene.''