Rayaberê Şarê Kurdî Abdullah Ocalano ke 25 serrî yo Îmrali de binê tecrîdê giranî de yo 40 mengî yo tira qet xeberêke nîna girewtene. Pêvînayîşê keye û avûkatanê ci yenê qedexekerdene. Komîteya Vergirewtişê Îşkenceyî ya Ewropa (CPT) ke eşkeno şiro Îmrali wezîfeyê xo nêano ca.

Avûkatanê Rayberê Şarê Kurdî Abdullah Ocalanî ra Îbrahîm Bîlmez Ofîsêê Cenevre yê Neteweyanê Yewbîyayeyan (NY) de tewrê konferansêk bi û qala bêhuqûqîya Îmraliyî kerd. Avûkat Îbrahîm Bîlmezî ANFyî rê qale kerd.

Bilmezî visivîrî ke 40 mengî yo Abdullah Oclanî ra qet xeberêke nêameya girewtene û vat: ''Rixmê heme muracatanê ma pêvînayîşî nînê kerdene. Seba ke verê pêvînayîşê kekeyî bîgêrê cezaya dîsîplînî danê. Her hîrê mengan de rayeke cezaya dîsîplînî danê muwekîlê a. Hîrê mengî pêvînayîşî keyeyî qedexe kenê. Çirey ma rê nêvanê qey cezaya dîsîplînî ameya dayene. Ma sey avûkatan teberê nê prosesî de verdene. 

Pêvînayîşê avûkatan zî hetê Dadgerîya Înfazî ya Bursa ra yenê qedexekerdene. No dezgeh her şeş mendan de rayêke pêvînayîşê avûkatan qedexe keno. Sebebê qedexekerdişê nê pêvînayîşî zî ma ra yeno nimitene. Ma tewrê nê prosesî nêbenê.  Ma vera nê vejîyenê û kirişê Mehkemeya Heqanê Merdiman a Ewropa. Nê qedexekerdişê pêvînayîşan huqûqî nîyê. Heqê pawitişî werte ra yeno wedaritene. No îşkence yo. Raporanê verênan ê CPTyî de zî na rewşe ameye îfadekerdene.

CPTyî heta nika 9 reyî Îmrali zîyaret kerd, 8 raporê xo eşkera kerdî û heme raporan de Tirkîya rexne kerd. Vat şertê Îmraliyî nînê qebulkerdene, îzolasyono zaf giran est o. Raporê xo yê peyênî de tabîrê incommunicado CPT bi xo şuxilna. Halê xebernêgirewtişî, no eslê xo de rewşa sey vînkerdişî ya.

CPT raporanê xo de rexne keno la semedê Îmraliyî wezîfeyê xo nêano ca. Ma ewro nuqtaya tewr xirabe de yê. 40 mengî yo ma xebere nêgenê.  Pêvînayîşê avûkat û keyeyî nêbenê. Mektuban rê cewab nînê. Qet tekîlî çîn a. Têna ma zanê ke muwekîlê ma Îmrali de yo. Ma sey avûkatan nêeşkenê nê zî teyît bikerê. Coka CPT ganî cade berpirsîyarîya xo bîyaro ca.

Serrê Birêz Ocalanî sîyî dîyar û problemê ci yê weşîye est ê. Reyna hîrê muwekîlê ma yê bînî nizdê 30 serrî yo şertanê zehmetan ê zîndan de yê. CPT mecburo ke raporê xo yê peyênî eşkera bikero. Eke Tirkîya destûr nêdana ganî CPT madeyê 10/2 yo ke prosedurê ci de yo bîyaro ca. Goreyê nê madeyî dewleta ke nêverdena CPT raporî eşkera bikero ya zî dewleta ke vatişanê CPTyî xeylêk wext nêana ca, CPT eşkeno derheqê ci de eşkerayîye bido û vajo na dewlete goreyê huqûqî, pêkerdişê Ewropa tênêgereno. Qet dewletêke nêwazena derheqê ci de wina eşkerayîye bêro dayene la Tirkîya hedî hedî nê heta şina. Goreyê ma ganî CPT hinî na eşkerayîye bido. Çunke wextê ci ame, çunke rewşe naye ra xirabêr nêbena.''