Paytextê Almanya Berlin de endamanê Youngstruggle û ciwananê enternasyonalîstan bînaya ZDFyî îşxal kerde û waşt wa Îdareyo Xoser ê Rojawaî warê mîyanneteweyîyî de bêro naskerdene.

20 ciwananê ke bînaya ZDFyî de eşkerayîye daye waştişê xo ardî ziwan.  Ciwanan waşt wa Îdareyo Xoser ê Rojawanî warê mîyanneteweyîyî de sey aktorê sîyasîyî bêro naskerdene û veng da hukmatê Almanya ke wa na babete gaman bierzo.

Çalakwanan medyaya Almanya zî rexne kerd û waşt wa derheqê Rojawanî de xeberanê raştan bidê. Eşkerayîye de ame vatene ke çeteyê ke dewleta tirke paştî dana ci sûcê şerî kenê la medyaya mîyanneteweyîyî înan xelet sey 'serewedartox' mojnena ra.

Çalakîye de ame vîrvîstene ke Almanya de kurdî semedê falîyetanê xo yê sîyasîyan yenê krîmînalîzekerdene û tebersînorkerdiş û zextê vera kurdan ameyî şermezarkerdene. Aktîvîstan vat ganî paştî bidîyo têkoşînê azadîye yê kurdan û medayaya Almanya û rayrapêroyîye ganî na babete de dahîna hîsgêr bo.

Edîtorê ZDFyî waştişê ciwanan goştarî kerdî û vat ê do waştişanê înan bierjnê.

Polîsanê almanan nasnameyê ciwanan kontrol kerdî û ê serbest veradayî.