Semedê azadîya Rayberê Şarê Kurdî Abdullah Ocalanî bajarê Strasbourgî yê Fransa de 25ê hezîrana 2012yî ra nata Nobeta Azadîye yena rayraberdene. Çeteyanê dewleta tirke vizêr hêrişê çalakîye kerd. Faşîstan hêriş kerd, tabelayî şikitî vîla kerdî û remayî.

Komîteya Hazirîya Nobeta Azadîye ra Zulfu Bîngolî derheqê hêrişî de qisey kerd. Bîngolî ard ziwan ke hêrişkaran înan rê vato 'ma semedê qesasê Brukselî ameyî.'

Zulfu Bîngolî nê vatî: '2Ma vanê ke rayîrê haştîye Îmraliyî ra ravîyareno. Ma vanê Rayberîya ma îradeyê ma yo û heta ke o azad mebo çareserîya demokratîke nêbena. Dewleta tirke zî her ca de kena ke şerê vera kurdan xorî bikero.  Wa şarê tirkî bizano ke no şer têna nêdano kurdan ro,  dano şarê tirkî ro zî. Sebebê krîzanê komelkî û ekonomîkî şerê vera kurdan o. Ma vanê wa şer biqedîyo, wa heqê kurdan bêrê naskerdene. No hêriş ne eşkeno ma Rayberîya ma ra bifîno dûrî ne zî ma waştişê ma yê haştîye ra bifîno dûrî. Ma veng danê şarê xo yê welatperwerî û dostanê ci ke wa dahîna zaf wayîrê çalakîye bivejîyê.''