Dima ke Erdoganî Zanîngehê Bogaziçi rê rektoro qeyûm Melîh Bulu tayîn kerdbi çalakîyanê wendekaran de 6 wendekarî ameybî tepiştene.

Wendekaranê Zanîngehê Bogaziçi seba 6 embazanê xo yê tepişteyan qasê 6 rojan bi şîarê 'Eke embazê ma çin ê ma zî çin ê' boykotê dersan da destpêkerdene. Wendekarî ewro tewrê dersanê onlineyan bîyî û vat: ''Ma beşdarê dersî nêbenê.''

Bernameyê boykotî wina yo:

-13.00 de wendekarî Meydanê Kampusê Başûrî de deyîra , ‘Susturamayacaklar’ vajê û mesajê xoverdayîşî bidê.

-13.30 de wendekarî do Forumê 'Ma Peymana Îstanbulî ser o qisey kenê' de bale biancê meseleyan ser.

-14.30 de forum bi serrnameyê 'Ma zanîngehêkê senînî wazenê' dewam bikero. Wendekarî do waştişê xo yê 'zanîngehê xoserî' bîyarê ziwan.

-17.30 de nobete do biqeda û eşkerayîya çapemenîye do bêra dayene.