Dewleta tirke Ranya de 4 sîvîlî qetil kerdî
Dewleta tirke ya îşxalkere Ranya de ya ke pabesteya bajarê Silêmanî ya Başûrê Kurdîstanî ya, wesayîtêk da bombayan ver, 4 kesî qetil kerdî.
Goreyê xebera RojNewsî teyarayanê şerî yê dewleta tirke Ranya de pê droneyanê çekdaran wesayîtêko sîvîl da bombayan ver. Netîceya hêrişî de 4 kesê ke wesayît de bî şehîd bîyî û kesêk birîndar bi.
Saetanê nîmroje de teyarayanê şerî yê dewleta tirke bajarekê Dînarta yê qezaya Akrê ya Duhokî dabi bombayan ver û cinî-mêrde şehîd bibî.
2024 de hêrişê dewleta tirke ya îşxalkere yê vera sîvîlan de tewr tay 33 kesî ameyî qetilkerdene û 19 kesî birîndar bîyî. Bexdad û Hewlêr vera hêrişanê îşxalî yê dewleta tirke û sûcanê ci yê şerî bêveng ê.
